ENERGIA: BIZITZAREN MOTORRA

 

ENERGIA: BIZITZAREN MOTORRA

 

Une honetan energiaren gaiak izugarrizko pisua hartu du gizarte arloan, nabarmenduz gizakiak harekin duen erlazioa eta harekiko duen beharra eta agerian utziz izakiak ekodependienteak garela.

Izan ere, gure gizartearen antolaketaren oinarrietako bat da energia. Energiarekiko dugun menpekotasun hau, alabaina, testuinguru berezian ematen da gure inguruan. Izan ere, egunerokoan erabiltzen dugun energiaren iturriak kanpokoak izaten dira (%90 inguru).

Hala, horiekiko dugun menpekotasuna oso handia da. Energiaren gaiak, lotura zuzena du eguneroko edozein jarduerekin. Batetik, bizitzaren oinarria da, izaki bizidunen prozesu fisiologikoetan garrantzi berezia duena. Bestetik, mundu mailako mugikortasunean bakarrik ez, baita aurreneko sektoretik hasi eta hirugarren sektorerainoko jarduera ekonomiko guztietan lehengaia da. Horrez gain, etxebizitzetan eta ikastetxeetan egunerokoan presentzia nabaria duen gaia da. Honakoak dira egungo energiaren datuak EAEn: Industria: %61, hirugarren sektorea: %19 , garraioa: %17 , administrazioa: %3 (EVEren 2020eko txostena).

Dudarik ez da une honetan gizartean gaiak hartu duen pisua ez dela nolanahikoa. Batetik, elektrizitatearen, gasaren eta beste hainbat erregairen prezioen igoera dela eta. Bestetik, Ukrainiako gerrak sorturiko energia dependentzia agerian utzi duelako, baina horrez gain, gizarte mailan agerian gelditzen ari den pobrezia energetikoari aurre hartzeko, hainbat proiektu ari dira jartzen martxan. Hori gutxi ez eta, energia subiranotasunaren aldeko apustua egiten ari dira.

Hala, herritarrak beste mota bateko kudeaketa ari dira eskatzen. Askotan, herri mailako energia iturri ezberdinak indartu nahian, bai herritarrak taldeetan antolatuz edota Udalak berak ardura hartuz eremu horretan. Era berean, energia horiek lortzeko gizakiak sortzen duen inpaktua ere mahai gainean jarri da, erregaien eta larrialdi klimatikoaren lotura zuzena azpimarratuz.

Argi geratzen da, beraz, energiaren gaia hainbat ikuspuntu desberdinetatik jorratu daitekeela eta lotura estua duela beste gai batzuekin: ekoizpen eta kontsumo jasangarria (GJH11), larrialdi klimatikoa (GJH13), pobrezia (GJH 1), bakea (GJH1 6 ), energia subiranotasuna, deshazkundea. Horrek talka egiten du, ordea, hezkuntza mailan energia gaiaren lanketa urriarekin.

Ezinbestekoa da energiaren kontzeptua mahai gainean jartzea, adinean gora egitean energiarekin lotutako kontzeptu konplexuagoak landu ahal izateko (Learning progressions).

Horretarako, hurrengo bi urteetan gai honi helduko diogu eskolan.

Azaroak 25 - Aurre Egingo Dizueten Emakumeak

Indarkeria Matxistaren Aurkako Eguna dela eta, Sastraka Gaztetxeko emakume talde batek prestatutako sorpresa doakizue:

 

 

PLISTI PLASTA JOLAS GUNERA IRTEERA

 

PLISTI PLASTA JOLAS GUNERA IRTEERA

 

Haur Hezkuntzako 2.mailako ikasleak, Lizarrara joan ginen Plisti Plasta jolas gunea ikustera. Bertan, Txumak aurkezpen bat egin zigun jolas guneko espazio, material, familiekiko harreman eta pedagogian oinarritzen zena. Horrez gain, haurrak autonomia lantzearen garrantziaz ere hitz egin genuen, izan ere, espazio honetan erabiltzen den pedagogia gorena Piklerrena da.

Hasteko, bi espazio ezberdin erabiltzen dituzte, barne espazioa eta kanpo espazioa. Barruko espazioari dagokionez, bi gela dituzte. Bertan, material anitzak aurkitu ditzakegu haurrek jolas dezaten. Lantzen diren jolasak askotarikoak dira, besteak beste, jolas sinbolikoa (sukaldea, oheak, mozorrotzeko gunea, telefonoak), jolas heuristikoa (altxorraren saskia) edota eraikitzeko jolasak (egurrezko piezak).

Kanpoko espazioari dagokionez, gune zabal eta handia daukate, haurrek libreki esperimentatu dezaten. Horrez gain, naturarekin harremana izateko material egokiak dituzte, besteak beste, harearekin jolasteko gunea, harriekin jolasteko gunea edota parke gunea.

Amaitzeko, hezitzaile bezala honelako espazioak ezagutzea garrantzitsua dela iruditzen zaigu. Izan ere, familiekiko harremana lantzen da eta errespetuz zuzendu behar gara familia guztiei, nahiz eta ez izan harreman berbera guztiekin.

 

Horrez gain, une oro haurraren ongizatea ardatz eduki behar dugu.

Zeuk esan - Nerabezarorako laguntza zerbitzua

Zeuk Esan - Nerabezarorako laguntza zerbitzua

 

116111 Zeuk Esanek 10 urte bete ditu, haur eta nerabeei informazioa, aholkularitza eta orientazioa eskaintzen. Oraindik ez dakizu zertan lagundu zaitzakegun?

 

 

 

 

Elizondoko Haur Eskolara bisita

 

Haur Hezkuntza - Elizondora bisita